உணவே மருந்து
என பெரியவர்கள் சும்மாவா சொன்னார்கள். நாம் சாப்பிடும் உணவே நம்மை ஆரோக்கியமாக
வைத்துக் கொள்ளும். அஞ்சறை பெட்டி பொருட்கள் நமக்கு எந்த உடல்நலப் பிரச்சினையும்
தராமல் பாதுகாக்கும். ஆனால் இப்போது பலரது வீட்டில் அது இருப்பதே இல்லை. சீரகம்,
வெந்தயம், கருஞ்சீரகம், ஓமம், சோம்பு என அனைத்துமே செரிமான பிரச்சைக்கு நல்லது.
ஜீரண உறுப்புகள் வலுவாக இருந்தாலே நாம் ஸ்லிம் ஆக இருக்கலாம்.
உடல் எடை அதிகரிக்க முக்கியமான விஷயம்
ஜீரணக்கோளாறு தான். உடல் எடையை குறைக்க நினைக்கும் நபர்கள் ஓமம் தினமும்
சாப்பிட்டால் நல்லது.
ஓமத்தை நீரில்
கொதிக்க வைத்து அதனுடன் பனை வெல்லம் சேர்த்து காலை வேளையில் அருந்தி வந்தால் உடல்
பலம்பெறும். தேவையற்ற கொழுப்பு குறையும். வயிற்றுப் பொருமல், வயிற்று வலி, அஜீரணக்
கோளாறு உள்ளவர்கள் 100 கிராம் ஓமத்தை 1 லிட்டர் தண்ணீர் விட்டு கொதிக்க வைத்து அது
பாதியாக வந்தவுடன் எடுத்து அருந்தினால் மேற்கண்ட பிரச்சினைகள் அனைத்தும் தீரும்.