ஜீரணம், சர்க்கரை நோய் சீராக்க, கெட்ட கொழுப்புகளை குறைக்க சீரக டீ...

ஜீரணம், சர்க்கரை  நோய் சீராக்க, கெட்ட கொழுப்புகளை குறைக்க சீரக டீ...

சீரகம் உடல் எடை குறைப்பது (weight loss) முதல் ஜீரண சக்தியை (digestion) மேம்படுத்துவது வரை ஏராளமான மருத்துவ குணங்களைக் கொண்டிருக்கிறது. அதிலும் நீரிழிவு நோயாளிகளுக்கு இது ஒரு சிறந்த உணவாக செயல்படுகிறது. சீரகம் இன்சுலின் உற்பத்தியை அதிகரித்து, இரத்த சர்க்கரை அளவை கட்டுப்பாட்டில் வைக்க உதவுகிறது. இதை எப்படி, எந்த சமயத்தில் எடுத்துக் கொள்ளலாம் போன்றவற்றைப் பற்றி இங்கே விளக்கமாகப் பார்க்கலாம்.

இந்திய சமையலை பொருத்தவரை சீரகம் மிக முக்கியமான மசாலாப் பொருளாக கூறப்படுகிறது. சீரகத்தில் ஏராளமான மருத்துவக் குணங்கள் உள்ளன. சீரகத்தில் இரும்புச்சத்து, வைட்டமின் பி, வைட்டமின் ஈ, புரதச்சத்து, நார்ச்சத்து, நிறைவுறு கொழுப்புகள் போன்ற ஏராளமான சத்துக்கள் இதில் உள்ளன. மேலும் சீரகத்தை பொடி செய்து சாப்பிடுவது உங்கள் இரத்த சர்க்கரை அளவை கட்டுப்பாட்டில் வைக்க உதவுகிறது.

அகத்தை சீராக்கும் சீரகம் :

சீரகம் சைமினியம் என்ற தாவரத்தின் உலர்ந்த விதையாகும். இந்த சீரகம் பொதுவாக பழுப்பு நிறத்தில் காணப்படுகிறது.

இந்த சீரகம் உங்களுக்கு நறுமணத்தையும், சுவையையும் அளிக்கக்கூடியது. சீரகத்தில் ஆன்டி ஆக்ஸிடன்ட்கள் அதிகளவில் காணப்படுகிறது.

இது செரிமானப் பாதையை வலுவாக்கும், குமட்டல், வீக்கம் மற்றும் மலச்சிக்கல் போன்ற பிரச்சினைகளை போக்க உதவுகிறது. இந்த சீரகத்தை கொண்டு நீரிழிவு நோயாளிகள் தங்கள் இரத்த சர்க்கரை அளவை எப்படி கட்டுப்படுத்தலாம் என அறிந்து கொள்வோம்.

சீரகத்தின் ஊட்டச்சத்து அளவுகள் :

கலோரிகள் - 9% DV
மொத்த கொழுப்புகள் - 0 கிராம்
சேச்சுரேட்டேடு கொழுப்பு - 0 கிராம்
டிரான்ஸ் கொழுப்பு - 0 கிராம்
கொலஸ்ட்ரால் - 0 மி. கி
சோடியம் - 4 மி. கி
மொத்த கார்போஹைட்ரேட்டுகள் - 1 கிராம்
நார்ச்சத்துக்கள் - 1 கிராம்
சர்க்கரை சத்து - 0 கிராம்

சீரகத்தின் நன்மைகள் :

ஆன்டி பாக்டீரியல் விளைவுகள் - சீரகத்தில் ஆன்டி பாக்டீரியல் விளைவுகள் காணப்படுகிறது. உணவை நச்சாக்கும் ஈகோலி பாக்டீரியா வளர்ச்சியை இந்த சீரகம் கட்டுப்படுத்துகிறது. இதில் பாக்டீரியா எதிர்ப்பு பண்புகள் காணப்படுகிறது. எனவே வயிறு சம்பந்தமான பிரச்சினைகளை களைய உதவுகிறது.

புற்றுநோயை தடுக்கும் - கல்லீரல், வயிறு மற்றும் பெருங்குடல் புற்றுநோய்களால் ஏற்படும் கட்டிகளை வளர விடாமல் தடுக்கும் வேலையை சீரகம் செய்கிறது.

கொலஸ்ட்ராலைக் கட்டுப்படுத்துகிறது - சீரகம் கொலஸ்ட்ரால் அளவைக் கட்டுப்படுத்த உதவுகிறது. இது ட்ரைகிளிசரைடு மற்றும் கெட்ட கொழுப்புக்களை குறைக்க உதவுகிறது.

நீரிழிவு நோயை நிர்வகிக்கிறது - சீரகம் நீரிழிவு எதிர்ப்பு மருந்தாக செயல்படுகிறது. ஒரு ஆய்வில் இரத்தத்தில் உள்ள யூரியாவை குறைக்க உதவுகிறது.

சீரகம் நீரிழிவு நோயை எப்படி நிர்வகிக்கிறது?

இந்தியாவில் இருந்து நடத்தப்பட்ட ஒரு ஆய்வில், விஞ்ஞானிகள் டைப்-2 நீரிழிவு நோயால் பாதிக்கப்பட்ட விலங்குகளுக்கு சீரகம் கொடுத்த போது அது நீரிழிவு எதிர்ப்பு, கொலஸ்ட்ரால் மற்றும் ட்ரைகிளிசரைடு அளவைக் குறைப்பதாக தெரிய வந்துள்ளது.

மேலும் நீண்ட கால குளுக்கோஸை கட்டுப்பாட்டில் வைக்க உதவுகிறது. குறைந்த அளவு கொழுப்பு, கணையத்தில் செல்களில் வீக்கம் இவற்றை போக்கவும், இன்சுலின் சுரப்பை மேம்படுத்தவும் சீரகம் உதவுகிறது.

நீரிழிவு நோயாளிகள் சீரகத்தை எப்படி எடுத்துக் கொள்ள வேண்டும்?

சீரகப் பொடியை தண்ணீரில் கலந்து சாப்பிடுவதே சிறந்தது.

சீரகத் தண்ணீர் உடலில் இன்சுலின் உற்பத்தியைத் தூண்டுகிறது. இது இரத்த சர்க்கரை அளவை கட்டுப்பாட்டில் வைக்க உதவுகிறது.

சீரகத் தண்ணீர் வெறும் வயிற்றில் குடித்து வரும்போது இரத்தத்தில் உள்ள சர்க்கரை அளவைப் படிப்படியாகக் குறைக்க முடியும். அதே மாதிரி சீரகத்தை முழு விதை வடிவிலோ அல்லது தூளாக பொடி செய்து கலந்து சாப்பிட்டு வரலாம்.

சீரகத் தண்ணீர் தயாரிக்கும் முறை :

தேவையான பொருள்கள்

சீரகம் - 1 ஸ்பூன்

தண்ணீர் - 1 கப்

செய்முறை :

சீரகத்தை வெறும் வாணலியில் சேர்த்து நன்கு வாசனை வரும் வரை வறுத்து எடுத்துக் கொள்ளுங்கள். இது சூடு ஆறியதும் மிக்ஸியில் சேர்த்து நன்கு அரைத்து பொடி செய்து கொள்ளுங்கள்.

ஒரு கப் தண்ணீரை கொதிக்க வைத்து அதில் இந்த பொடித்து வைத்திருக்கும் சீரகத்தைச் சேர்க்க வேண்டும்.

குடிக்கும் அளவுக்கு வெதுவெதுப்பான நிலைக்கு வந்ததும் குடிக்கலாம். இந்த சீரகத் தண்ணீரை காலை, இரவு என இரண்டு வேளை குடித்து வர ரத்த சர்க்கரை அளவில் நல்ல மாற்றங்கள் உண்டாகும்.

சீரக டீ தயாரிப்பது எப்படி?

காலையில் எழுந்ததும் டீ, காபி குடிப்பதற்கு பதிலாக சர்க்கரை நோயாளிகள், உயர் ரத்த அழுத்தப் பிரச்சினை உள்ளவர்கள் இந்த சீரக டீயை குடித்து வருவது நல்லது. வாங்க எப்படி செய்யலாம் என்று பார்க்கலாம்.

தேவையான பொருள்கள் :

சீரகம் - 1 ஸ்பூன்
தண்ணீர் - ஒன்றரை கப்

செய்முறை :

சீரகத்தை எடுத்து வைத்திருக்கும் தண்ணீரில் போட்டு முதல் நாள் இரவு ஊற வைக்க வேண்டும்.

இரவு முழுவதும் ஊறிய சீரகத்தை அந்த தண்ணீரோடு சேர்த்து காலையில் நன்றாக கொதிக்க வைக்க வேண்டும்.
பின்பு வடிகட்டி டீயாகக் குடிக்கலாம். காலையில் வெறும் வயிற்றில் இந்த சீரக டீயை குடித்து வருவதன் மூலம் ரத்தத்தில் உள்ள சர்க்கரையின் அளவு கட்டுப்பாட்டில் இருப்பதோடு உடலில் உள்ள கெட்ட கொலஸ்டிராலையும் குறைக்கச் செய்யும்.

உங்களுடைய வழக்கமாக சமையலில் சிக்கன், காய்கறிகள், சூப், கஞ்சி உள்ளிட்ட எல்லா வகை உணவுகளிலும் நீரிழிவு பிரச்சினை உள்ளவர்கள் சீரகத்தைச் சேர்த்துக் கொள்ளலாம்.