எடையை குறைக்க பப்பாளி டயட் ! எப்படி எடுத்து கொள்ளலாம்?

எடையை குறைக்க பப்பாளி டயட் ! எப்படி எடுத்து கொள்ளலாம்?

​பொதுவாக நாம் விரும்பி உண்ணும் பப்பாளியில் எண்ணற்ற ஆரோக்கிய நன்மைகள் உள்ளது.

இது இது செரிமான ஆற்றலை மேம்படுத்துவது, மலச்சிக்கலை தீர்ப்பது, சருமப் பளபளப்பை உண்டாக்குவது ஆகியவற்றோடு உடல் எடையைக் குறைக்கவும் உதவுகிறது.

அதற்கு மிகச்சிறந்த தீர்வாக இருக்கும். ஏனெனில் பப்பாளியில் உள்ள அதிக அளவிலான ஆன்டி - ஆக்சிடண்ட்டுகள் மற்றும் நார்ச்சத்துக்கள் உடல் எடையைக் குறைக்கவும் தேவையற்ற கொழுப்புகளைக் கரைக்கவும் உதவி செய்கிறது.

இந்த பப்பாளி டயட்டை எப்படி பின்பற்ற வேண்டும் என்பது குறித்து இங்கே பார்ப்போம்.

காலை உணவில் பப்பாளி :

காலை எழுந்ததும் ஒரு கப் பாதாம் பால் அல்லது ஓட்ஸை ஊறவைத்து அரைத்து வடிகட்டிய ஓட்ஸ் பால் இரண்டில் ஏதாவது ஒன்றை ஒரு கப் எடுத்துக் கொள்ளலாம். இதிலுள்ள புரதங்கள் மற்றும் நார்ச்சத்து உடலுக்குத் தேவையான எனர்ஜியைக் கொடுக்கும். பசும்பாலில் கொழுப்பு சத்து இருக்கும் என்பதால் அதை தவிர்ப்பது நல்லது.

அரை மணி நேரம் கழித்து ஒரு பௌல் பப்பாளி பழத் துண்டுகளை எடுத்துக் கொள்ளுங்கள். இது வயிறு நிரம்பிய உணர்வை தருவதோடு பசியைக் கட்டுப்படுத்த உதவும்.  

​மதிய உணவில் பப்பாளி :

பாதி பப்பாளி மற்றும் பாதி அளவு அன்னாசி பழத்தை எடுத்து இரண்டையும் நறுக்கி மிக்ஸ் செய்து வைத்துக் கொள்ள வேண்டும். இதை நேரடியாக பழமாகவோ அல்லது ஸ்மூத்தியாகவோ செய்து சாப்பிடலாம். அதோடு தக்காளி, கீரை, பூண்டு போன்றவற்றை சாலட்டாக சேர்த்துக் கொள்வது நல்லது.  

 இரண்டாவது நாளில் சிறிது சாதம், கீரை மற்றும் சுட்ட கத்தரிக்காய் சேர்த்துக் கொள்ள வேண்டும். அதோடு ஒரு கிளாஸ் பப்பாளி ஜூஸ் எடுத்துக் கொள்ள வேண்டும்.

​இரவு உணவில் பப்பாளி :

ஒரு கிளாஸ் லெமன் ஜூஸ் (சர்க்கரை சேர்க்காமல்), காற்கறிகள், வெங்காயம் மற்றும் செலரி சேர்த்த சாலட் ஒரு கப். அதனுடன் ஒரு கப் பப்பாளி பழங்களை சாப்பிடுங்கள்.

இரண்டாவது நாள் எடுத்துக் கொள்ளும்போது ஒரு பெரிய கப் அளவு பப்பாளி துண்டுகளுடன் சுரைக்காய் கூட்டுடன் 2 ரொட்டி அல்லது சிறிய அளவில் சாதம் எடுத்துக் கொள்ளலாம். அடுத்தடுத்த நாட்களில் பப்பாளியுடன் ஏதாவது ஒரு நீர்க்காய் அல்லது மேற்கூறியபடி சாலட் சேர்த்து எடுத்துக் கொள்ள வேண்டும்.