சிலோன் இலவங்கப்பட்டையில் இவ்வளவு மருத்துவ குணங்கள் இருக்காம்.. இனி அத தேடிப்பார்த்து வாங்குங்க...

சிலோன் இலவங்கப்பட்டையில் இவ்வளவு மருத்துவ குணங்கள் இருக்காம்.. இனி அத தேடிப்பார்த்து வாங்குங்க...

இலவங்கபட்டை என்றாலே ஒன்று தான் என்று நினைத்துக் கொண்டிருக்கிறோம். ஆனால் இரண்டு வகையான லவங்கப்பட்டை உண்டு. ஒன்ற சிலோன் இலவங்கப்பட்டை, மற்றொன்று காசியா சினமன் என்று அழைக்கப்படும் காசியா இலவங்கப்பட்டை. இதில் காசியா லவங்கபட்டையை விட சிலோன் பட்டையில் நிறைய மருத்துவ குணங்கள் இருக்கின்றன. அவை என்னெ்ன என்று இங்கே பார்க்கலாம்.

இந்தியாவில் காலங்காலமாக இலவங்கப்பட்டை பயன்படுத்தப்பட்டு வருகிறது. அmதேபோல அமெரிக்காவிலும் மிக அதிக அளவில் பயன்படுத்தக்கூடிய மசாலாப் பொருள்களில் ஒன்றாக இலவங்கபட்டை இருக்கிறது.

காசியா இலவங்கப்பட்டை சற்று கடினமானதாக திக்காக இருக்கும். ஆனால் சிலோன் இலவங்கப்பட்டை மிகவும் லேசானது, மென்மையானது. இரண்டுக்கும் சுவை மற்றும் அதன் பண்பில் எந்த வேறுபாடும் இல்லை. காசியை விட சிலோன் லவங்கப்பட்டையில் கூடுதலான மருத்துவப் பயன்கள் உண்டு.

​இலவங்கப்பட்டை :

இலவங்கப்பட்டை என்பது இலவங்க மரத்தினுடைய உடல் பகுதியில் உள்ள பட்டை. இலங்கை உள்ளிட்ட தென்கிழக்கு ஆசிய நாடுகளில் இந்த மரங்கள் அதிகமாகக் காணப்படுகின்றன. உணவுகளில் பல்வேறு வகைகளில் இந்த இலவங்கப்பட்டை பயன்படுத்தப்படுகிறது.

நியூ பைட்டோலாஜிஸ்ட் பவுண்டேஷன் (new phytologist foundation) என்னும் ஆய்வு நிறுவனம் வெளியிட்டுள்ள ஆய்வில் சிலோன் இலவங்கப்பட்டை எப்படி வெறும் மசாலா பொருளாக மட்டும் பயன்படாமல், இதய ஆராக்கியம் மேம்படுத்துதல், மூளை மற்றும் நரம்புக் கோளாறுகள் நீங்க, கொலஸ்டிரால் கட்டுப்பாடு, கேன்சர் செல்களை அழித்தல் ஆகியவற்றில் செயல்படுகின்றன.

அதுகுறித்து எந்தெந்த ஆண்டுகளில் என்னென்ன ஆய்வுகள் நடத்தப்பட்டன, அதன் முடிவுகள் ஆகியவற்றை முழுமையாக வெளியிட்டுள்ளது.

​இலவங்கப்பட்டையில் ஊட்டச்சத்துக்கள் :

சிலோன் இலவங்கப்பட்டையில் அதிக அளவிலான வைட்டமின்கள், தாதுக்கள் மற்றும் ஆன்டி - ஆக்சிடண்ட்டுகள் நிறைந்திருக்கின்றன.

குறிப்பாக கேரட்டை போல அதிக அளவு பீட்டா கரோட்டீனைக் கொண்டிருக்கிறது. இந்த பட்டையின் பழுப்பு நிறத்திற்குக் காரணமான நிறமிகளில் ப்ரோ - விட்டமின்கள் இருக்கின்றன.

அவை தான் நம்முடைய உடலில் சேரும்போது வைட்டமின் ஏ வாக மாற்றம் பெறுகிறது. கேரட்டை போலவே லவங்கப்பட்டையும் கண்களுக்கு மிகவும் நல்லது.

​தொற்றுக்களை குறைக்கும் சிலோன் இலவங்கப்பட்டை :

சிலோன் இலவங்கப்பட்டையில் சினமால்டிஹைடு என்னும் அழற்சி எதிர்ப்பு பண்பு அதிகம் இருக்கிறது. இந்த சினமால்டிஹைடு உடலில் உண்டாகும் அழற்சியையும் அதனால் ஏற்படும் பக்க விளைவுகளையும் குறைக்கின்றன.

சில தொற்று வகைகள் இதய நோய், நீரிழிவு மற்றும் மூட்டுவலி போன்ற நாள்பட்ட நோய்களின் பாதிப்பை அதிகரிக்கக்கூடும். ஆனால் அத்தகைய தொற்று பாதிப்புகளையும் சிலோன் இலவங்கப்பட்டை குறைக்கிறது.

​கொலஸ்டிராலை குறைக்கும் சிலோன் லவங்கப்பட்டை :

சிலோன் இலவங்கப்பட்டை நம்முடைய உடலில் உள்ள கொலஸ்டிராலின் அளவைக் குறைக்கும் தன்மை கொண்டது என்று ஆய்வுகளில் நிரூபிக்கப்பட்டுள்ளது.

நம்முடைய உடலில் அதிகரிக்கும் கெட்ட கொலஸ்டிராலினால் (LDL cholesterol)

இதய நோய்கள் வருவதற்கான வாய்ப்புகள் மிக அதிகம்.

ஆனால் இந்த சிலோன் இலவங்கப்பட்டை உடலில் உள்ள நல்ல கொலஸ்டிராலை (HDL Cholestrol) பாதிக்காமல் கெட்ட கொலஸ்டிராலின் அளவை மட்டும் குறைக்கச் செய்கிறது.

​இன்சுலின் சுரப்பை அதிகரிக்கும் சிலோன் இலவங்கப்பட்டை :

உலக அளவில் இந்தியா தான்நீரிழிவு பிரச்சினை உள்ளவர்கள் அதிகம் கொண்ட நாடாக இருக்கிறது.

கணையத்தின் வேலையே இந்த இன்சுலின் ஹார்மோனை முறையாகச் சுரக்கச் செய்வது தான். கணையம் இன்சுலினை சுரக்காத போது, உடலில் தேங்கும் குளுக்கோஸ் வெளியேறாமல் உடலிலேயே தங்கிவிடும்.

இலவங்கப்பட்டையை தொடர்ச்சியாக உணவில் சேர்த்துக் கொண்டு வருவதன் மூலம் உடலில் இயற்கையாகவே இன்சுலின் சுரப்பு அதிகரிக்கும். இது ரத்தத்தில் உள்ள சர்க்கரையின் அளவைக் கட்டுக்குள் வைத்திருக்க உதவுவதோடு ஹைப்போ மற்றும் ஹைபர் கிளைசீமியா பிரச்சினையையும் தடுக்கிறது.

ஆன்டி - ஆக்சிடண்ட்டுகள் நிறைந்த சிலோன் இலவங்கப்பட்டை :

ஆற்றல் வாய்ந்த நிறைய ஆன்டி - ஆக்சிடண்ட்டுகளை இலவங்கப்பட்டை கொண்டிருக்கிறது.

குறிப்பாக எத்திரிக், மெத்தனாலிக், சினமால்டிஹைடு போன்ற சக்திவாய்ந்த ஆன்டி - ஆக்சிடண்ட்டுகள் அதிகமாக இருக்கின்றன.

மாங்கனீசு அதிக நிறைந்த பொருள்களில் இலவங்கப்பட்டையும் ஒன்று. ஒரு ஸ்பூன் இலவங்கப்பட்டையில் நம்முடைய உடலுக்குத் தேவையான தினசரி மாங்கனீசு தேவையில் 22 சதவீதத்தை அது பூர்த்தி செய்யுமாம்.

​மூளை ஆரோக்கியத்தை மேம்படுத்தும் சிலோன் இலவங்கப்பட்டை :

சிலோன் இலவங்கப்பட்டை மூளையின் திசுக்களை ஆரோக்கியமாக வைத்திருக்கவும் சிந்திக்கும் இயல்திறனையும் மேம்படுத்துகிறது.

இதனால் மூளை நரம்புகள் சேதமடைதல், நரம்புக் கோளாறுகள், அல்சைமர், ஞாபக மறதி போன்ற பிரச்சினைகள் ஏற்படாமல் தடுக்க உதவுகிறது.

அதோடு மூளையின் செயல்வேகத்தை அதிகரிக்கச் செய்வது, ஞாபக சக்தியை மேம்படுத்துவது போன்றவற்றையும் இலவங்கப்பட்டை செய்கிறது.

​புற்றுநோய் ஆபத்தை குறைக்கும் சிலோன் இலவங்கப்பட்டை :

புற்றுநோய் வராமல் தடுக்கவும் அதன் வந்தவர்களுக்கு அதன் தாக்கத்தைக் குறைக்கவும் இலவங்கப்பட்டை மிகவும் உதவியாக இருக்கும்.

இதிலுள்ள ஆன்டி - ஆக்சிடண்ட். ஆன்டி - இன்பிளமேட்டரி மற்றும் ஆன்டி - மைக்ரோபியல் பண்புகள் புற்றுநோய் செல்களை வளர விடாமல் தடுப்பதோடு அவற்றை அழிக்கவும் செய்கின்றன.

​ஜீரண சக்தியை மேம்படுத்தும் இலவங்கப்பட்டை :

நம்முடைய அன்றாட உணவில் இலவங்கப்பட்டையைச் சேர்த்து்க் கொள்ளும்போது அது இயற்கையாகவே ஜீரண மண்டலத்தைப் பலப்படுத்துகிறது.

வயிறு உப்பசம், வயிறு மந்தமாக இருப்பது, மலச்சிக்கல் போன்ற பல்வேறு வயிறு சம்பந்தப்பட்ட பிரச்சினைகளை சரிசெய்கிறது.

​இதய ஆரோக்கியத்தை மேம்படுத்தும் சிலோன் இலவங்கப்பட்டை :

இலவங்கப்பட்டை இதய ஆரோக்கியத்தை மேம்படுத்தக் கூடிய வேலையை செய்கிறது.

நேஷனல் சென்டர் ஃபார் பயோடெக்னாலஜி இன்பர்மேஷன் (national center for biotechnology information) என்னும் ஆய்வு நிறுவனத்தால் மேற்கொள்ளப்பட்ட ஆய்வில், Evaluation of pharmacodynamic properties and safety of Cinnamomum zeylanicum (Ceylon cinnamon) in healthy adults எனனும் ஆய்வுக் கட்டுரையில் சிலோன் இலவங்கப்பட்டை எப்படி ரத்த அழுத்தத்தைக் குறைத்து இதய ஆரோக்கியத்தை மேம்படுத்துகிறது என்பது குறித்து செய்யப்பட்ட ஆய்வையும் அதன் முடிவுகளையும் தருகிறது.

இதயத்திற்கு செல்லும் ரத்தக் குழாய்களில் படிகிற எல்டிஎல் கொலஸ்டிராலைக் குறைக்கவும் கட்டுப்படுத்தவும் செய்கிறது. இதனால் இதயத்திற்கு செல்லும் ரத்த ஓட்டம் சீராக இருக்கிறது. இதனால் மாரடைப்பு, பக்கவாதம் போன்ற பிரச்சினைகள் வராமல் தடுக்கப்படுகிறது.