சர்க்கரை நோயாளிகள் வேர்க்கடலை சாப்பிடலாமா?

சர்க்கரை நோயாளிகள் வேர்க்கடலை சாப்பிடலாமா?

வேர்க்கடலையில் ஏராளமான ஊட்டச்சத்துக்கள் இருந்தாலும் அதில் அதிகப்படியான கொழுப்பு இருக்கிறது என்று நாம் அதை தவிர்த்து விடுகிறோம். 

குறிப்பாக நீரிழிவு நோயாளிகள் மிகவும் கவனமாக இருப்பார்கள். உண்மையில் நீரிழிவு நோயுள்ளவர்கள் வேர்க்கடலை சாப்பிடலாமா, கூடாதா என்பது குறித்து பார்க்கலாம்.

    

வேர்க்கடலையை நீரிழிவு நோயாளிகள் உணவில் சேர்த்துக் கொள்ளலாமா என்பது நீண்ட நாட்களாக சர்க்கரை நோயாளிகளின் சந்தேகம். 

வேர்க்கடலையில் வெண்ணைய் தயாரிக்கப்படுகிறது என்பது உங்களுக்குத் தெரியுமா? 

வேர்க்கடலையின் பயன்கள் என்ன?, 

நீரிழிவு நோயாளிகளுக்கு அது எந்த வகையில் உதவுகிறது, வேர்க்கடையில் என்னென்ன உணவுகள் தயாரித்து சாப்பிடலாம் என்பதைப் பற்றியெல்லாம் விரிவாகப் பார்க்கலாம் வாருங்கள்.

​இந்தியாவில் நீரிழிவு

இந்தியாவில் 72 மில்லியனுக்கும் அதிகமான மக்கள் நீரிழிவு நோயால் பாதிக்கப்பட்டு நீரிழிவு நோயில் உலகில் இந்தியா முதலிடம் பிடித்துள்ளது. (2017 தரவுகளின் படி). உலகின் மொத்த நீரிழிவு நோயாளிகளில் 49 சதவிதிம் இந்தியாவில் இருக்கின்றனர்.

இன்சுலின்

வயதானவர்களுக்கு மட்டுமில்லாமல் 3 மாத வயதுக்குட்டபட்ட குழந்தைகள் முதல் குழந்தைகளிடையிலும் நம் நாட்டில் நீரிழிவு நோய் பரவலாகக் காணப்படுகிறது. ஆரோக்கியமான உணவை எடுத்துக்கொண்டு வழக்கமாக உடற்பயிற்சி செய்வது மட்டுமே நீரிழிவு நோயை கையாளும் சிறந்த வழியாகும். சிலருக்கு இன்சுலின் ஊசியும் மாத்திரைகளும் எடுத்துக்கொள்ள வேண்டியிருக்கிறது என்றாலும், சரிவிகித உணவும். சுறுசுறுப்பான வாழ்க்கை முறையும் நீரிழிவு நோயாளிகளுக்கு நீண்ட நாட்களில் நல்ல பயனைத் தரும்.

அதிக_கார்போ

உணவைப் பற்றி பேசும் பொது வேர்க்கடலை சிறந்த ஸ்நாக்ஸ். ஆனால் பெரும்பாலும் நீரிழிவு நோயாளிகள் வேர்க்கடலை சாப்பிடுவதா கூடாதா என்பதில் குழப்பிக் கொள்கின்றனர். வேர்க்கடலையானது பீன்ஸ், அவரை, சோயா போல அவரை வகைச் தாவர குடும்பத்தை சேர்ந்தது. பருப்பு வகைகளில் கார்போஹைட்ரேட் அதிகம் இருப்பதால் நீரிழிவு நோயாளிகளுக்கு நல்லதல்ல என்கிற கருத்து நிலவுகிறது, ஆனால் எல்லா கார்போஹைட்ரேட்டுகளும் கெட்டதல்ல. பருப்பு வகைகளில் இரத்தத்தில் சர்க்கரை அளவை எதிர்மறையாக பாதிக்காத நல்ல கார்போஹைட்ரேட்டுகள் அடங்கியுள்ளது.

எப்படி பார்த்து வாங்க வேண்டும்?

தேசிய வேர்க்கடலை அமைப்பின் கருத்துப்படி சர்க்கரை நோயை கட்டுக்குள் வைக்க வேர்க்கடலையையும் வேர்க்கடலை வெண்ணெயையும் சேர்த்துக் கொள்ள வேண்டும் என்றும் தெரிவிக்கிறது. வேர்க்கடலை மற்றும் வேர்க்கடலை வெண்ணையில் சர்க்கரை அளவு குறைவாக இருக்கிறது, அதனால் இது நீரிழிவு நோயாளிகளுக்கு முற்றிலும் பாதுகாப்பானது. அதிமாக எடுத்துக் கொள்வதை விட ஒரு கையளவு வேர்க்கடலை போதுமானது.

மார்க்கெட்டில் வேர்க்கடலை வெண்ணெய் வாங்குவதற்கு முன் அதன் லேபிளில் இருக்கும் சர்க்கரை மற்றும் உப்பின் அளவை சரிபார்த்து வாங்குங்கள். வீட்டிலேயே வேர்க்கடலை வெண்ணெய் தயார் செய்து சாப்பிடுவது சிறந்தது.

வேர்க்கடலை சாட்

வறுத்த வேர்க்கடலையை நொறுக்குத்தீனியாக சாப்பிட ஆரோக்கியமான சுவையான ஸ்நாக்ஸ் ஆகும். உங்களுக்கு பிடித்தமான காய்கறிகளுடன் வறுத்த வேர்க்கடலையுடன் சிறிது எலுமிச்சை சாறும் உப்பும் சேர்த்து செய்வது தான் வேர்க்கடலை சாட். இந்த ரெசிபி சுவையான ஆரோக்கியமான நொறுக்குத்தீனியாகும்.

வேர்க்கடலை வெண்ணெயில் சாண்ட்விச்

எடை குறைக்க விரும்புபவர்களுக்கும் நீரிழிவு நோயாளிகளுக்கும் வேர்க்கடலை வெண்ணெய் சிறந்த உணவாகும். மில்க் ஷேக்குகள், ஸ்மூத்திகள், அல்லது மல்டிக்ரெயின் பிரெட்டுடன் வேர்க்கடலை வெண்ணையை சேர்த்து சாப்பிடலாம்.

வேர்க்கடலை பொரி

வேர்க்கடலை பொரி வட இந்தியர்களிடையே பிரபலமான ஸ்நாக்ஸ் ஆகும். குறைந்த கலோரியில் காய்கறிகள் மற்றும் வேர்க்கடலை சேர்த்து தயாரிக்கப்படும் இந்த சாட் வயிற்றை நிரப்புவதோடு மிகவும் சுவையான நொறுக்குத்தீனியாகும்.