கூந்தல் அடர்த்தியாக வளர இதுவும் ஒரு கூடுதல் குறிப்பு...

கூந்தல் அடர்த்தியாக வளர இதுவும் ஒரு கூடுதல் குறிப்பு...

தலை முடி பிரச்சனைக்கு சிறந்த தீர்வாக வெங்காயம் உதவுகிறது. இதற்கு என்ன காரணம் என்றால் வெங்காயத்தில் இருக்கும் சல்பர் தான் முக்கிய காரணம் ஆகும்.

* பெரிய வெங்காயம் சமையலுக்கு மட்டுமல்ல, முடி வளர்ச்சிக்கும் சிறந்த மருந்தாக பயன்படுகிறது. எப்படி? என்று தெரிந்து கொள்ளுங்கள். இது கூந்தலை அடர்த்தியாக வளர உதவுகிறது.

* வெங்காயத்திற்கு நுண் கிருமிகள் மற்றும் பூஞ்சையை எதிர்த்து போராடும் தன்மை உள்ளது. இதை தலை முடியில் பயன்படுத்துவதால் முடி கொட்டுவது தடுக்கப்படுகிறது.

* வெங்காயத்தை தொடர்ந்து பயன்படுத்தும்போது முடியின் பளபளப்பு அதிகமாகிறது. தலை மற்றும் கழுத்து பகுதியில் புற்று நோய் வரும் அபாயத்தை குறைக்கிறது. பேன் தொல்லை குறைகிறது. வெங்காய சாறு பயன்படுத்துவதால் முடியின் அடர்த்தி அதிகரிக்கும்.

செயல்முறை

* வெங்காயத்தை துண்டுகளாக வெட்டிக் கொள்ளவும். பின் மிக்ஸியில் நன்றாக தண்ணீர் விட்டு அரைத்துக் கொள்ளவும். 

* பின் ஒரு துணியில் நன்றாக வடிகட்டி எடுத்து கொள்ளவும். பின் வெங்காயச் சாற்றை எடுத்து தலையில் நன்றாக தடவவும். விரல்களால் சுழல் வடிவத்தில் நன்றாக மசாஜ் செய்யவும். ஒரு மணி நேரம் அப்படியே விட்டு விடவும். வெங்காய வாசனை முடியில் இல்லாதவாறு வாசனையுள்ள ஷாம்புவோ அல்லது எலுமிச்சை சாறு கலந்த சீயக்காயுடன் தலையை நன்றாக அலசவும். வாரம் 1 முறை 2 மாதங்களுக்கு இந்த முறையை பின்பற்றுங்கள். நல்ல பலன் பெறலாம்.

* இதேபோல் வெங்காயச் சாற்றுடன் ஆலிவ் எண்ணெயை கலக்கவும். பின் தலையில் நன்றாக இந்த சாற்றை தடவி மசாஜ் செய்யவும். 2 மணி நேரத்திற்கு பிறகு கூந்தலை அலசவும். இதனை தொடர்ந்து செய்வதால் வலிமையான மற்றும் பொடுகு இல்லாத கூந்தலை பெறலாம்.