பூமி சர்க்கரை வள்ளிக்கிழங்கு... பலனை தெரிஞ்சிக்கங்க...

பூமி சர்க்கரை வள்ளிக்கிழங்கு... பலனை தெரிஞ்சிக்கங்க...

பூமி சர்க்கரை வள்ளிக்கிழங்கு நாம் பெரிதாக கண்டுகொள்ளாத ஒன்று. சமீப காலத்தில் சில இடங்களில் விற்கிறார்கள். ஆனாலும் நாம் அதை வாங்கி சாப்பிடுவதில்லை.. ஆனால் ராமன் வனவாசம் சென்று காட்டுக்குள் இருந்த போது உடலை வலிமையாக வைத்துக் கொள்ள இந்த பூமி சர்க்கரை வள்ளிக்கிழங்கை தான் அதிகமாக சாப்பிட்டாராம். இப்படி ஒரு கதை சொல்லப்படுகிறது. 

அது உண்மையோ இல்லையோ பூமி சர்க்கரை வள்ளிக்கிழங்கு ஏராளமான மருத்துவ குணங்களைக் கொண்டிருக்கிறது என்பது உண்மை. வாங்க அந்த அற்புத நன்மைகள் என்னென்ன எனறு நாமும் கொஞ்சம் தெரிந்து கொள்ளலாம்.

வட்டவடிவில் தென்னங்குருத்தை போன்ற வடிவமைப்பு கொண்டது. இந்த குருத்தின் மேல் புறத்தை சுற்றிலும் சீவிவிட்டு நடுவில் இருக்கும் மென்மையான பகுதியை மட்டும் சாப்பிடுவார்கள். அதை சாப்பிடுவதால் சிறுநீரகங்களுக்கு நல்லது என்று சொல்லப்படும். அதைத்தாண்டியும் நிறைய நன்மைகள் அதனுள் இருக்கின்றன. ஆனால் இது எல்லா சமயங்களிலும் கிடைக்காதாம். 20 வருடங்களுக்கு ஒருமுறை தான் விளையுமாம்.

​ஜீரண ஆற்றலை மேம்படுத்தும்

வயிறு சம்பந்தப்பட்ட கோளாறுகள் மற்றும் அஜீரணக் கோளாறுகளைத் தீர்க்கும் தன்மை கொண்டது.

குடல் ஆரோக்கியத்தை மேம்படுத்தி ஜீரண ஆற்றலை மேம்படுத்தும் தன்மை கொண்டது.

​சுவாசக் கோளாறுகள் நீங்கும்

இந்த பூமி சர்க்கரை வள்ளிக்கிழங்கு அடிக்கடி எடுத்துக் கொள்ளும்போது சுவாசக் குழாய் சம்பந்தப்பட்ட பிரச்சினைகளைச் சரிசெய்யும்.

நாள்பட்ட ஆஸ்துமா பிரச்சினையால் அவதிப்படுகிறவர்கள் அடிக்கடி இந்த பூமி சர்க்கரை வள்ளிக்கிழங்கு சாப்பிடலாம். நாள்பட்ட சளியையும் இந்த பூமி சர்க்கரை வள்ளிக்கிழங்கு வெளியேற்றும்.

​ஆன்டி - இன்பிளமேட்டரி பண்புகள்

இந்த பூமி சர்க்கரை வள்ளிக்கிழங்கில் ஆன்டி இன்பிளமேட்டரி பண்புகள் அதிகமாக இருக்கின்றன. அதனால் இதை அடிக்கடி சாப்பிடும்போது இன்பிளமேஷன்களால் உண்டாகிற ஆர்த்தரைடிஸ், மூட்டு வலி, உடலின் உள்ளும் வெளியிலும் ஏற்படுகிற வீக்கங்கள் ஆகியவற்றைச் சரிசெய்யும்.

​நோயெதிர்ப்பு ஆற்றல்

பூமி சர்க்கரை வள்ளிக்கிழங்கு நோயெதிர்ப்பு ஆற்றலை அதிகரிக்கக்கூடிய தன்மையைக் கொண்டிருக்கிறது.

இதை அடிக்கடி சாப்பிடும்போது நோயெதிர்ப்பு ஆற்றலை அதிகரித்து உடல் பலவீனத்தைப் போக்குவதோடு ஒட்டுமொத்த ஆரோக்கியத்தையும் மேம்படுத்தும்.

​உடல் கழிவுகளை வெளியேற்றும்

பூமி சர்க்கரை வள்ளிக்கிழங்கு உடலில் உள்ள கழிவுகளை வெளியேற்றும் தன்மை கொண்டது.

ரத்தத்தை சுத்தம் செய்யும் ஆற்றல் கொண்டது. அதனால் கல்லீரல் மற்றும் சிறுநீரகச் செயல்பாடுகளை மேம்படுத்துகிறது. உடலில் உள்ள கழிவுகளை வெளியேற்றி உடலை டீடாக்ஸ் செய்வதோடு உடலின் உள்ளுறுப்புகளை ஆரோக்கியமாக வைத்திருக்க உதவி செய்யும்.

​பூமி சர்க்கரை வள்ளிக்கிழங்கு சாப்பிடும் முறை

இந்த பூமி சர்க்கரை வள்ளிக்கிழங்கு அப்படியே சாப்பிடலாம்.

இதை மெலிதாகச் சீவி அதன்மேல் எலுமிச்சை சாறு பிழிந்து, அதன்மேல் சிறிது மசாலா தடவி எடுத்துக் கொள்ளலாம்.

மிக மெல்லிய இனிப்புச் சுவையும் நல்ல துவர்ப்பு சுவையும் கொண்டதாக இருக்கும்.

இந்த பூமி சர்க்கரை வள்ளிக்கிழங்கின் மேல் நாட்டுச்சர்க்கரை தூவியும் சாப்பிடலாம். குழந்தைகள் முதல் பெரியவர்கள் வரை எல்லோரும் சாப்பிட ஏற்றது.