இதயத்தை பாதுகாக்க சிறந்த உணவு முறை எது தெரியுமா? மாரடைப்புக்கு இனி குட்பை!

இதயத்தை பாதுகாக்க சிறந்த உணவு முறை எது தெரியுமா? மாரடைப்புக்கு இனி குட்பை!
 
மனித உடலில் உள்ள ராஜ உறுப்புகளில் முதன்மையானது இதயம்!

நவீனகால வாழ்க்கைமுறை மற்றும் பல்வேறு தொடர்புடைய காரணிகள் இதயத்துக்கு அழுத்தம் கொடுத்து, பெரிய பாதிப்பை ஏற்படுத்தலாம். ஆரோக்கியமான வாழ்க்கை முறையை மேற்கொள்வது முக்கியம் என்றாலும், உங்களின் உணவுப்பழக்கம் இதய ஆரோக்கியத்தை தீர்மானிப்பதில் முக்கிய பங்கு வகிக்கிறது.

இதயத்துக்கு சிறந்ததாக, அறிவியல் ரீதியாக நிரூபிக்கப்பட்ட உணவுப் பழக்கம் குறித்து காண்போம்

குறைவான மாவுச்சத்து கொண்ட உணவுகள் :

கொழுப்பை விட, கார்போஹைட்ரேட்டுகள் எனப்படும் மாவுச்சத்து இதய ஆரோக்கியத்தில் அதிகமாக தீங்கு விளைவிக்கும் என்று கருதப்படுகிறது. இருப்பினும், குறைவான மாவுச்சத்து உணவு, கார்பஸ் உட்கொள்ளலை குறைப்பது மட்டுமல்லாமல், நீங்கள் உட்கொள்ளும் வழக்கமான அளவை விட அதிக புரதம் மற்றும் அல்லது கொழுப்பும் உங்களுக்குக் கிடைக்கிறது. அதிக எடை, அதிக ட்ரைகிளிசரைடு மற்றும் அதிக இரத்த அழுத்த அளவைக் குறைப்பதன் மூலம் இதய ஆரோக்கியத்தை கணிசமாக மேம்படுத்துகிறது.  

அரை சைவ உணவுமுறை :

செமி-வெஜிடேரியன் (அரை சைவ உணவுமுறை) என்பது ஃப்ளெக்ஸிடேரியன் டயட் என்று அழைக்கப்படுகிறது. இது சைவ உணவுகளை (தாவர உணவுகளை) அடிப்படையாகக் கொண்டது. அவ்வப்போது இறைச்சி, மீன் அல்லது மாமிசத்தை உட்கொள்ளலாம்.

சர்க்கரை சேர்க்கப்பட்ட உணவுகள், சுத்திகரிக்கப்பட்ட தானியங்கள், பதப்படுத்தப்பட்ட இறைச்சிகள் மற்றும் அதிகமாக பதப்படுத்தப்பட்ட உணவுகளை குறைந்த அளவில் உட்கொள்வதை, இந்த உணவுமுறை பரிந்துரைகிறது.

வீகன் மற்றும் வெஜிடேரியன் :

வெஜிடேரியன் என்பது இறைச்சி தவிர்த்து உண்ணப்படும் சைவ உணவுப்பழக்கம். வீகன் என்ற உணவுமுறை, சைவ உணவில் பால் சம்மந்தப்பட்ட பொருட்கள் தவிர்க்கும் உணவு முறை. இரண்டு உணவுமுறையிலும் கோழி, சிவப்பு இறைச்சி அல்லது மீன் என அனைத்து விதமான இறைச்சியையும் உணவில் இருந்து விலக்க வேண்டும்.

வீகன் சைவ உணவு உண்பவர்களைப் போலல்லாமல், வெஜிடேரியன் சைவ உணவு உண்பவர்கள் பால், முட்டை, தேனீ மகரந்தம், தேன் அல்லது ஜெலட்டின் போன்ற விலங்கு மற்றும் பிற உயிரினங்களில் இருந்து பெறப்படும் பொருட்களின் பயன்பாட்டை சேர்த்துக் கொள்கிறார்கள்.  

இதயம் பலமாக :

காய்கறிகள், போதுமான நார்ச்சத்து மற்றும் வெண்ணெய், கொட்டைகள், விதைகள், குறைந்த பதப்படுத்தப்பட்ட தாவர எண்ணெய்கள் மற்றும் ஒமேகா -3 நிறைந்த மீன்களிலிருந்து ஆரோக்கியமான கொழுப்புகளை உணவில் எடுத்துக் கொள்ள வேண்டும் என்று பரிந்துரைக்கப்படுகிறது.